KWAZULU-NATAL. – ’n Afleweringsvragmotor wat elektriese toestelle vervoer, is Dinsdag 2 Desember in Adams Mission gekaap toe gewapende mans die bestuurder en sy assistent voorgekeer het. Die vragmotor is later teruggevind, maar die yskaste was weg.
Volgens Reaction Unit South Africa (Rusa) is die vragmotor omstreeks 17:00 by ’n pakhuis in Durban-Noord met die elektriese toestelle gelaai, voordat dit na ’n woning in Adams Mission vertrek het. Die vrag sou daar afgepak word vir verdere aflewering die volgende dag. Net ’n paar meter van die afpakpunt af is die twee insittendes deur ’n groep gewapende mans gedwing om stil te hou en uit te klim. Die verdagtes het met die voertuig in die rigting van Foleni weggejaag.
Die vrag het uit onder meer toestelle van Hisense en Defy bestaan – dit sluit standaard yskaste, sowel as sy-aan-sy-eenhede en kisvrieskaste is.
