KWAZULU-NATAL. – ’n Vrou in haar laat veertigs is Maandagmiddag ná ’n skietvoorval in ’n gewilde kroeg in Jan Hofmeyrweg, Westville, dood aangetref.
Garrith Jamieson van ALS Paramedics sê die diens het net ná 13:40 op die toneel opgedaag, waar die polisie en veiligheidsbeamptes reeds teenwoordig was. Die vrou is met ‘n skietwond in die kroeg op die vloer aangetref. Paramedici het geen tekens van lewe gevind nie en sy is op die toneel dood verklaar.
Die oorsaak van die voorval is nog onbekend, maar dit word vermoed dat dit verband hou met ’n huishoudelike rusie. Die Westville-polisiekantoor ondersoek die skietvoorval.
