OOS-KAAP. – ‘n Vrou (28) is in Bethelsdorp in hegtenis geneem nadat ‘n video waarin ‘n 3-jarige seuntjie glo ernstig aangerand word op sosiale media versprei is. Die vrou staan tereg op ‘n aanklag van aanranding met die doel om ernstige liggaamlike leed te veroorsaak.
Volgens kapt. André Beetge is die verdagte Dinsdag deur die Mount Road GKS-eenheid in hegtenis geneem. Sy sal Donderdag op die aanklagte teen haar in die Gqeberha-landdroshof voorkom.
Die polisie se ondersoek duur voort en addisionele aanklagte kan bygevoeg word.
