Die vrystelling van die derde kwartaal se misdaadstatistieke bied belangrike insig in veiligheidsvordering in die Wes-Kaap. Volgens die premier, Alan Winde, het moorde in die provinsie met 3,4% afgeneem. “Elke lewe wat gered word, is betekenisvol, maar dit is nie genoeg nie. Met bykomende polisiëringsbevoegdhede kan ons méér doen,” het hy gesê.
Lees ook: Misdaadsyfers van 3de kwartaal toon verdere daling
https://nuusflits.com/misdaadsyfers-van-3de-kwartaal-toon-verdere-daling/
Volgens die Wes-Kaapse misdaadsatistieke is beduidende dalings aangeteken in Delft, Gugulethu, Kraaifontein en Mitchells Plein. Die statistieke wys egter steeds op buitensporig hoë vlakke van bendeverwante moorde in die provinsie. Volgens die verslag sal die prentjie in Kaapstad drasties verander indien bendeverwante moorde uit die totale moordsyfer verwyder word.
Die Stad Kaapstad se wetstoepassingsagentskappe het hul operasionele vermoë bewys, maar bly beperk deur onvoldoende wetgewende magte en ’n oorbelaste Suid-Afrikaanse Polisiediens (SAPD).
Daar is nog geen duidelikheid oor die ontplooiing van die Suid-Afrikaanse Nasionale Weermag (SANW) nie. Winde doen ’n beroep op nasionale ministers om bewysgebaseerde besluite te neem en plaaslike regering te bemagtig om gewelddadige misdaad doeltreffender te beveg.
Bron: While Western Cape murder rate shows decrease, Western Cape Government demands proper funding for overburdened SAPS in province
