LIBANON. – Volgens die Libanese gesondheidsministerie is 13 mense dood in ‘n Israeliese aanval naby ‘n Palestynse vlugtelingkamp in suidelike Libanon.
Lees ook: Israel vernietig verskeie teikens in Libanon
Die Israeliese weermag het gesê dit het lede van Hamas geteiken in die Ein el-Hilweh gebied “wat werk uit ‘n opleidingskamp” vanwaar aanvalle op Israel deur Hamas uitgevoer en beplan word. Hamas het Israel se verklaring as “leuens” verwerp en verklaar dit het “geen militêre installasies in die Palestynse kampe in Libanon nie” en dat die teiken ‘n “oop sportveld was”.
Die aanval het ‘n motor wat buite ‘n moskee in die Ein el-Hilweh-vlugtelingkamp gestaan het, getref. Verskeie mense is in die aanval beseer.
Bronne: BBC, CNN, Sky News
