Vyf mense is doodgeskiet nadat ̓n Halloween-partytjie oos van San Francisco handuit geruk het. Skote is net voor 11:00 Donderdagaand afgevuur. Drie mense is op die toneel dood verklaar en twee het later in die hospitaal aan hulle wonde beswyk.
Volenge gerugte op washingtonpost, was daar meer as 100 partytjiegangers onder die ouderdom van 30 op die eiendom. Sommige het wonde in die skietery opgedoen, terwyl ander kon vlug.
Die partytjie is op sosiale media as ‘n “Airbnb mansion party” geadverteer.
Airbnb verbied ‘huispartytjies’ en sal harder werk om sulke ongemagtigde gebeurtenisse te voorkom, het die uitvoerende hoof van die maatskappy Saterdag aangekondig.
