KIJIF. – Nege mense is dood en verskeie ander beseer in ‘n reeks Russiese aanvalle op Oekraïne, terwyl die Dormition-katedraal, ‘n belangrike godsdienstige en kulturele simbool vir die Oekraïners in die hoofstad, Kijif aan die brand geslaan het.
Volgens Al Jazeera het die oornag-missiel- en hommeltuigaanvalle die elektrisiteitsvoorsiening aan sowat 140 000 huishoudings onderbreek en ‘n groot brand veroorsaak by die katedraal in ‘n kloosterkompleks, wat as ‘n UNESCO-wêrelderfenisterrein gelys is.
Vier mense is in aanvalle op Kijif dood, terwyl vyf reddingswerkers omgekom het toe hulle ‘n brand probeer blus het wat deur ‘n aanval op die noordoostelike stad Charkif veroorsaak is, het amptenare gesê.
Die Dormition-katedraal uit die 11de eeu is ernstig beskadig in wat die Oekraïense eerste minister, Joelia Svyrydenko, as “‘n wrede aanval op ons mense en ons erfenis” beskryf het.
Bronne: BBC, Al Jazeera
