KWAZULU-NATAL. – ‘n Verdagte in ‘n huisbraakpoging in Gazzardstraat in Ottawa is Maandagmiddag doodgeskiet.
Reaction Unit South Africas is vir hulp gebel. Met die aankoms van reaksiebeamptes op die toneel is ‘n lewelose man in bosse aan hulle uitgewys. Hy het ‘n skietwond aan die regterkant van sy bors gehad en ‘n mes is naby sy liggaam gevind.
Die vermeende skieter het aan die reaksiebeamptes verduidelik hy het glo ‘n geraas in die erf gehoor waarna hy ondersoek ingestel het. Hy het na bewering die oorledene gevind waar hy probeer het om ‘n venster oop te forseer. Die oorledene het glo ‘n mes uitgehaal en probeer om die vermeende skieter te steek, waarna laasgenoemde sy gelisensieerde vuurwapen uitgehaal en die vermeende inbreker in die bors geskiet het.
Die slagoffer het tydens die voorval geringe beserings opgedoen.
Bron: Reaction Unit South Africa
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
