JACOBUS se musiekloopbaan het ’n besonderse wending geneem met die vrystelling van sy nuwe enkelsnit, Probeer, saam met Demi Lee Moore.
Fanie Nel van die Coleske Groep sê die jong sanger en liedjieskrywer het aanvanklik die aandag van Coleske Artists getrek, nadat hy sy weergawe van Moore se wenliedjie uit die eerste seisoen van Die Kontrak – Mis Eet Slaap Herhaal – opgeneem het. Dit het uiteindelik tot ’n platekontrak gelei. Nou sing die twee kunstenaars saam op Probeer, ’n emosionele liedjie wat deur JACOBUS geskryf is.
“Dit het gevoel soos ’n droom toe Demi Lee sê sy wil saam met my die liedjie sing,” sê JACOBUS. Die musiekvideo is in Pretoria verfilm en ’n klassieke Mercedes-Benz is onder andere in die video te sien. Volgens JACOBUS vertel die video die storie van die liedjie vanuit twee perspektiewe.
Probeer is nou hier op digitale stroomdienste beskikbaar.
JACOBUS, Demi Lee Moore, Probeer, Afrikaanse musiek, enkelsnit, musiekvideo, Coleske Artists
