Die karnivoordieet is deesdae die nuwe gonswoord op sosiale media. Dit ‘n eetplan wat hoofsaaklik uit diereprodukte en vleis bestaan. Dit sluit vleis, vis, eiers, en soms melkprodukte in. Plante en koolhidrate word vermy.
Een van die potensiële voordele is dat dit ‘n lae koolhidraat-inname behels, wat kan help om gewigsverlies te bevorder en insulienvlakke te stabiliseer. Vir sommige mense kan dit ‘n effektiewe manier wees om hul bloedsuiker te beheer. Daar is ook beweerde voordele vir die verbetering van energievlakke en kognitiewe funksie.
Daar is egter verskeie nadele wat met die karnivoordieet verband hou. Een daarvan is ‘n gebrek aan vesel en voedingstowwe wat verkry word uit vrugte, groente en volgraanprodukte. Dit kan op die langtermyn tot maag- en dermprobleme lei.
Te veel vleis kan ook ‘n verhoogde risiko vir hartsiektes en ander gesondheidskwessies veroorsaak. ‘n Gebrek aan variasie in jou dieet lei tot tekorte aan sekere voedingstowwe.
Voordat jy ‘n drastiese verandering in jou eetgewoontes maak, is dit altyd goed om ’n dokter te raadpleeg.
Bronne: Healthline, Onnit, Primal Kitchen
