DURBAN, KZN. – Die liggaam van ’n polisievrou is Vrydagoggend met ’n skietwond in ’n motor by Dakota Beach, suid van Durban, aangetref.
Die polisie is omstreeks 11:30 Vrydagoggend na die toneel ontbied ná berigte van ’n beweerde skietvoorval. Met hulle aankoms op die toneel het hulle die polisievrou, vermoedelik in haar dertigs, se liggaam in die voertuig met ’n noodlottige skietwond aangetref.
Sy is op die toneel dood verklaar. Die omstandighede wat tot die skietvoorval gelei het, word ondersoek.
Bronne: ALS Paramedics Medical Services
