Waarskuwing: Beeldmateriaal kan sensitiewe lesers ontstel!
NOORDWES. – Janco Snyman (18), Mia-Lee Greyling (18) en Janel Payne van Hoërskool Schweizer-Renecke was Sondagaand saam in ‘n motorongeluk betrokke.
Volgens Mia-Lee Greyling se Facebook-profiel is sy en Janco in ‘n verhouding. Mia-Lee en Janel was beide VLR-lede in hulle matriekjaar.
Die skool sê: “Psalm 91:10 “Hy sal sy Engele opdrag gee om jou te beskerm oral waar jy gaan”. Today we join hands in prayer, wishing the three matric learners from HSR who were in a car accident yesterday a speedy recovery. Ons hou ook hul ouers in ons gedagtes en gebede. Baie sterkte.”
Kol. Cherelle Ehlers sê ‘n ongeluk het na middernag op die N18 buite Hartswater plaasgevind. Na bewering het ‘n voertuig vanaf Pampierstad gereis en nie by ‘n T-aansluiting stilgehou nie. Die voertuig het met ‘n voertuig wat in die rigting van Jan Kempdorp op pad was, gebots. Die bestuurder (29) van die voertuig van Pampierstad se rigting is ernstig beseer en ‘n meisie (17) en ‘n seun (10) het op die toneel gesterf.
Die bestuurder en twee passasiers van die ander voertuig het beserings opgedoen en is vir mediese behandeling na ‘n hospitaal vervoer.
‘n Saak van strafbare manslag word deur die polisie ondersoek.
Foto’s: Facebook
