OOS-KAAP. – Die Chatty-polisie soek na vyf verdagtes wat glo Maandagaand omstreeks 18:30 ’n kerk in Gallantstraat, Greenfields, Booysens Park, met wapens beroof het.
Kapt. André Beetge sê vyf gewapende en gemaskerde verdagtes het na bewering die kerk binnegegaan en sowat 50 kerkgangers van hul selfone en ander waardevolle items beroof. Die verdagtes het in die wit Toyota RAV4 van die priester van die kerk gevlug. Die voertuig is later in Chatty 5 aangetref en vir forensiese analise geneem.
Enigiemand met relevante inligting oor die voorval word versoek om die ondersoekbeampte, konst. Enrique Louw, by 071 570 0628 te bel.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
