ATLANTA, VSA. – ’n Breindood vrou se familie word gedwing om haar lewend te hou oor ‘n anti-aborsiewet in Atlanta in die VSA.
Lees ook: Oklahoma aanvaar wetsontwerp wat meeste aborsies na bevrugting verbied
Adriana Smith (30), ’n ma van een en tans swanger, het in Februarie hoofpyne begin ervaar. Haar familie het gesê sy is na die hospitaal, maar geen toetse is uitgevoer nie. Volgens haar kêrel het sy die volgende oggend gesukkel om asem te haal en is weer hospitaal toe. Verskeie bloedklonte is in haar brein gekry, maar dit was te laat om haar te help en sy is breindood verklaar.
Smith word nou aan die lewe gehou weens die anti-aborsiewet wat aborsies verbied na slegs drie weke van swangerskap. Smith was nege weke swanger toe sy in die hospitaal opgeneem is.
Die hospitaal gaan Smith se liggaam aan die lewe hou totdat die baba op 32 weke uit haar baarmoeder verlos kan word en oorleef, en het gesê volgens die wet mag hulle geen ander opsies oorweeg nie.
Haar familie het gesê hulle bring Smith se seun om haar te sien, maar hy glo sy ”slaap net” en dat dit ’n marteling is om haar so te sien. Hulle het ook gesê hulle wens hulle het ‘n keuse gehad om haar te help.
Bronne: Metro, Newsweek, PEOPLE
Lees ook: Oklahoma aanvaar wetsontwerp wat meeste aborsies na bevrugting verbied
