GAUTENG. – Lt.kol. Kelebogile Thepa is terug in die pos as hoof van die Ekurhuleni-metropolisie se eenheid vir media- en openbare betrekkinge ((EMPD). Die stad neem wel kennis daarvan dat kwessies oor die EMPD en sy kommunikasiepraktyke in getuienis voor die Madlanga-kommissie na vore gekom het.
Die stad sê in ‘n verklaring die herstel van die media-eenheid en die terugplaas van Thepa is ’n administratiewe en bestuursingryping en bepaal nie die kommissie se bevindinge of enige lopende arbeidsprosesse vooruit nie. Luidens die verklaring sal die herstelde eenheid medianavrae, verklarings en onderhoudversoeke oor EMPD-werk koördineer, openbare inligtings- en veiligheidsveldtogte ondersteun, saamwerk met die stad se departement van kommunikasie, asook bemarking en toerisme om konsekwente inligting te verseker en die stad se kapasiteit vir kommunikasie tydens krisisse versterk.
Stadsbestuurder Kagiso Lerutla het gesê die stap bevorder deursigtigheid en aanspreeklikheid in die EMPD. Die eenheid sal operasioneel word wanneer die implementeringsplan voltooi is.
Druk hier om meer te lees.
