INTERNASIONAAL. – Die huidige Ebola-uitbreking in die Demokratiese Republiek die Kongo is op koers om die dodelikste uitbreking van die siekte nóg te oortref, het die direkteur-generaal van die Wêreldgesondheidsorganisasie (WGO), Tedros Adhanom Ghebreyesus, gewaarsku.
Dié uitbreking het meer as tien jaar gelede begin, meer as 11 000 lewens geëis en die pogings om ’n entstof te ontwikkel, ’n groot knou toegedien.
Volgens die BBC het Ghebreyesus aan verslaggewers gesê dat die 2026-uitbreking, “teen sy huidige tempo”, dié van die 2014–2016-uitbreking sal “oortref”.
Die uitbreking vanjaar, wat op 15 Mei verklaar is, het reeds minstens 4 300 gevalle tot gevolg gehad en meer as 2 000 sterftes veroorsaak.
Die 2026-uitbreking word veroorsaak deur die seldsame Bundibugyo-variant van Ebola, wat voorheen slegs twee bekende uitbrekings veroorsaak het – in 2007 en 2012.
Daar is tans geen goedgekeurde entstof of erkende terapeutiese middels beskikbaar om hierdie spesifieke variant van die virus te behandel nie.
Bronne: BBC, Euronews.com
