President Cyril Ramaphosa het bevestig dat niemand in hegtenis geneem sal word vir die sing van die omstrede “Kill the Boer”-lied nie. Hy het verwys na verskeie hofuitslae wat bepaal het die lied is ‘n vryheidslied en nie letterlik bedoel nie.
Ramaphosa het hierdie verduideliking gegee tydens ‘n infrastruktuurkonferensie in Kaapstad, nadat die Amerikaanse president Donald Trump verlede week gevra het waarom EFF-leier Julius Malema nie in hegtenis geneem is vir die sing van die lied nie.
“Ons is ‘n soewereine staat met eie wette,” het Ramaphosa gesê. “Die Konstitusionele Hof het reeds besluit hierdie leuse – ‘Kill the boer, kill the farmer’ – vorm deel van ons vryheidserfenis.”
Die president het beklemtoon niemand vir Suid-Afrika moet sê hoe om sy wette toe te pas nie.
