GAUTENG. – ’n 11de konsert van die gewilde Afrikaans is Groot-produksie is bygevoeg, nadat die eerste tien vertonings vir 2026 binne ure uitverkoop is. Kaartjieverkope het op Dinsdag 31 Maart om 10:00 geopen en was teen 19:00 uitverkoop.
Fanie Nel van die Coleske Groep sê volgens Arnold Coleske, uitvoerende vervaardiger van Afrikaans is Groot, het die oorweldigende aanvraag na kaartjies die organiseerders genoop om nog ’n geleentheid vir aanhangers te skep. Hy het ondersteuners bedank vir hul entoesiasme en gesê dit wys die sterk vertroue wat die publiek in die produksie het.
Nel bevestig die ekstra konsert vind plaas op Woensdag 25 November om 19:30 by die SunBet-arena in Pretoria. Kaartjies vir dié vertoning sal vandag (1April) beskikbaar wees.
Daar is ook groot afwagting oor watter kunstenaars vanjaar op die verhoog sal wees. Volgens Coleske sal die volledige lys nie nou bekend gemaak word nie, maar hy belowe dat daar weer verrassings sal wees en dat aanhangers nie teleurgesteld sal wees nie. Afrikaans is Groot bly een van die land se gewildste musiekgeleenthede en lok jaarliks duisende mense van regoor Suid-Afrika. Die 2026-konsert beloof om weer groter en meer onvergeetlik as ooit te wees.
Die 2026-konserte vind plaas op 20, 21, 22, 27, 28 en 29 November by die SunBet-arena in Pretoria. ‘n Gelukkige kaartjiekoper kan deur te raai wie die jaar op die verhoog is, kaartjiegeld terugwen. Raaiskote kan hier ingedien word: https://bit.ly/RaaiEnWen
Die 2025-konsertalbum is nóú op alle stroomdienste soos Apple Music, Spotify en YouTube Music beskikbaar. Die konsert is op YouTube en DStv Catch Up beskikbaar om te kyk.
One Response
n4436g