VK. – Andrew Mountbatten Windsor is van sy laaste koninklike titels deur koning Charles gestroop oor sy verhouding met die veroordeelde seksoortreder Jeffrey Epstein,
Lees ook: Memoir van Virginia Giuffre beskuldig prins Andrew van seksuele misdrywe
Koning Charles het beveel dat Andrew se lidmaatskap van die Orde van die Kousband en sy aanstelling as Grootridder van die Royal Victorian Order verwyder word.
Andrew het verlede maand sy prinslike titel en die aanspreekvorm Sy Koninklike Hoogheid verloor en is beveel om sy woonplek by die Royal Lodge te verlaat.
Hy het steeds sy rang as vise-admiraal in die koninklike vloot, maar die verdedigingsminister, John Healey, het gesê dit gaan moontlik ook verwyder word.
Dit volg ná die publikasie van Virginia Giuffre se memoir waarin sy beweer het Andrew het haar in drie afsonderlike voorvalle seksueel aangerand nadat sy deur Jeffrey Epstein verhandel is toe sy 17 jaar oud was.
Andrew het alle aantygings teen hom ontken, maar hy en Giuffre het ‘n skikking bereik nadat sy hom gedagvaar het.
Bronne: The Independent, Daily Mail, Sky News
Lees ook: Koning Charles gaan Andrew van laaste militêre titel stroop
