SKOTLAND. – Dahlia-Rose, drie maande oud, is na bewering op 30 September 2023 in Peterhead aan aanhoudende en intense hitte van ‘n haardroër blootgestel, wat ernstige brandwonde en haar dood veroorsaak het. Courtney Gartshore (28), wat van strafbare manslag aangekla word, se verhoor duur in die Aberdeen-hooggeregshof voort.
Mediese deskundiges het die hof meegedeel dat die baba vermoedelik aan hitte-uitputting (heatstroke) dood is en dat sy binne sowat 10 tot 15 minute ná bloodstelling kon gesterf het. Hulle het ook getuig dat sommige van die brandwonde moontlik ná haar dood ontstaan het. Forensiese getuienis het bewys dat Dahlia-Rose se DNS op ‘n haardroër gevind is, waarop in Gartshore se slaapkamer beslag gelê is.
Die hof het intussen gehoor dat die aanklaers al die ander aanklagte teen Gartshore laat vaar het, insluitend bewerings van kinderverwaarlosing, onhigiëniese leefomstandighede en die besit van dwelms. Die enigste aanklag wat nou oorbly, is dié van strafbare manslag. Gartshore ontken die aanklag, en die verhoor duur voort.
Bronne: STV News, Daily Record, AOL News (deur PA Media
