WES-KAAP. – ‘n Bejaarde man (72) en ‘n vrou (68) is Sondag op ‘n plaas in die Joostenbergvlakte-gebied, op die Ou Paarlpad, in Kraaifontein aangeval. Die plaaslike polisie ondersoek ‘n saak van huisroof en poging tot moord.
Volgens Thembakazi Mpendukana, polisiewoordvoerder, dui voorlopige inligting op twee verdagtes wat die huis betree het, waar hulle geld geëis het. Die bejaarde man het in ‘n stuweling met die verdagtes betrokke geraak, waartydens hy met ‘n mes in die voorkop gesteek is. Die toestand van die slagoffer is tans onbekend.
Nog geen inhegtenisnemings is gemaak nie en die saak word ondersoek.
