INTERNASIONAAL. – Nemesio Oseguera Cervantes, beter bekend as “El Mencho” en hoof van die berugte Jalisco New Generation-kartel (CJNG), se dood gister in ’n Mexikaanse militêre operasie is deur owerhede bevestig. Volgens die Withuis het hulle intelligensie-ondersteuning aan die operasie verskaf.
Volgens berigte deur CNN het vergeldingsaanvalle ná die dwelmbaas se dood tot geweld in minstens ’n dosyn deelstate gelei, met CJNG-lede wat paaie met brandende voertuie versper, busse en sakepersele aan die brand gesteek en met veiligheidsmagte gebots het.
Meer as 250 padblokkades in 20 deelstate is aangemeld.
Die VSA het sy burgers in dele van Mexiko aangeraai om skuiling te soek en in hul wonings of hotelle te bly. Verskeie Amerikaanse lugrederye het intussen vlugte na Puerto Vallarta opgeskort, wat daartoe gelei het dat passasiers gestrand is.
Bronne: CNN World, BBC.
