OOS-KAAP. – Nokhansala Sidiki (75) is Saterdagoggend ná beskuldigings van heksery wreed in die Zadungeni-gebied, buite Ngcobo, vermoor nadat familielede glo reg in eie hande geneem het.
Volgens ‘n polisiewoordvoerder, brig. Nobuntu Gantana, was die slagoffer na bewering deur familielede uit haar huis geneem en na ‘n nabygeleë stroom gedra. Sy is glo met ‘n plank aangerand en verdrink. Haar naakte liggaam is later met kneusings aan die kop en gesig, asook wurgmerke om die nek, langs die stroom aangetref. Die verdagtes het gevlug en is nog nie geïdentifiseer nie. Die polisie het getuieverklarings afgeneem en forensiese bewyse word tans ontleed.
Enigiemand met inligting word gevra om na vore te kom.
