GAUTENG. – Lisa Koppel (née Gundelfinger) is vanoggend in die ouderdom van 41 oorlede. Sy was die vrou van Danny K, bekende sanger, liedjieskrywer en akteur.
Danny K en Lisa is in 2012 getroud en hulle het kinders saam. Yusuf Abramjee, misdaadaktivis, het sy innige meegevoel aan Danny, hul kinders en die Gundelfinger- en Koppel-families betuig. Hy sê sy gedagtes is in dié moeilike tyd by die familie en wens hulle krag en vertroosting toe. Volgens Abramjee sal Lisa se nagedagtenis voortleef en hoop hy dat haar geliefdes ondersteuning en vertroosting by mekaar sal vind. Sy is die dogter van Billy Gundelfinger, ‘n prominente egskeidingsprokureur van Johannesburg.
Danny K het onder meer vier South African Music Awards (SAMA) gewen. Hy het veral bekendheid verwerf met R&B- en popmusiek en het verskeie Suid-Afrikaanse musiektoekennings ontvang. Hy was ook saam met Kabelo Mabalane betrokke by die SHOUT-veldtog teen misdaad.
Foto: Danny K
Bronne: Yusuf Abramjee en Wikipedia
