’n Verkeerde datum. ’n Provinsie wat nie ingevul is nie. ’n Vorm wat gedruk, geskandeer en teruggestuur word.
Dit lyk na klein administratiewe foute, maar wanneer ’n bestorwe boedel geadverteer moet word, kan dit beteken dat ’n kennisgewing nie betyds vir die beoogde Staatskoerant-uitgawe verwerk kan word nie.
Vir families wat reeds op die afhandeling van ’n geliefde se boedel wag, kan nog ’n vertraging besonder frustrerend wees.
Die vorm moet elektronies bly
Een van die belangrikste dinge om te weet, is dat die Staatskoerant se boedelkennisgewings op die korrekte interaktiewe elektroniese vorms ingedien moet word.
Dit is PDF-vorms met ingeboude velde en keuselysies. Die dokument moet sy elektroniese funksies behou wanneer dit voltooi en gestoor word.
’n Vorm wat gedruk en geskandeer is, kan dus op die oog af volledig lyk, maar nie meer in die vereiste elektroniese formaat wees nie. Dieselfde probleem kan ontstaan wanneer iemand ’n nuwe PDF skep deur die “Print to PDF”-funksie te gebruik.
Laai die vorm af, maak dit in Adobe Acrobat Reader oop en vul die besonderhede in die aangewese velde in. Stoor daarna die oorspronklike elektroniese dokument.
Moenie die publikasiedatum intik nie
Die publikasiedatum moet uit die vorm se keuselysie gekies word. Dit moet ook ooreenstem met die uitgawe waarvoor die kennisgewing bespreek word.
Die provinsie moet ingevul wees en die oorledene se besonderhede, boedelnommer en eksekuteur se inligting moet noukeurig nagegaan word.
As die publikasiedatum verander, moet die datum op die vorm ook korrek aangepas word voordat dit weer ingedien word.
Vrydag se publikasie word vooraf gereël
Nog ’n algemene misverstand is dat ’n kennisgewing wat op ’n Vrydag gestuur word, dieselfde dag in die Staatskoerant kan verskyn.
Indiening sluit reeds voor die publikasiedatum. Daar moet tyd wees om die dokumente na te gaan, betaling te verwerk en enige ontbrekende inligting te bekom.
Openbare vakansiedae en jaareindreëlings kan die sperdatums verder beïnvloed. Bevestig daarom die beskikbare publikasiedatum voordat jy jou vorm voltooi en jou beplanning daarvolgens doen.
Watter kennisgewing is nodig?
Twee vorms wat dikwels tydens boedelbereddering gebruik word, is die J193 en J187.
Die J193 is die kennisgewing aan skuldeisers. Die J187 kondig aan dat die likwidasie- en distribusierekening ter insae lê.
Maak seker dat jy die korrekte vorm vir die betrokke stadium van die boedel gebruik.
Bewaar die bewys ná publikasie
Die proses eindig nie wanneer die vorm per e-pos gestuur is nie. Die gepubliseerde kennisgewing moet nagegaan en die publikasiebewyse in die boedellêer bewaar word.
Legal Notice Publishing help met Staatskoerant-indiening en koerantpublikasie op Nuusflits. Wanneer albei dienste bespreek is, ontvang kliënte die onderskeie publikasiebewyse, asook ’n VPR (Verified Publication Record) vir die Nuusflits-kennisgewing met ’n skakel en QR-kode.
Om die korrekte elektroniese J193- of J187-vorm, ’n kwotasie of die volgende beskikbare publikasiedatum aan te vra, stuur ’n e-pos aan [email protected] of besoek www.legalnotice.co.za.
