Dis geen geheim dat die oorlog tussen Rusland en Oekraïne ‘n groot impak op die wêreld se ekonomieë het nie. Die stygende prys van goed soos brandstof het ‘n groot invloed op Suid-Afrikaners en kenners meen dié is slegs die begin van die impak.
André Thomashausen, emeritusprofessor van Internasionale Wet aan UNISA, het aan IOL gesê:
“In die ergste moontlike scenario, kan Suid-Afrika verwag dat petrolpryse tot om en by R40 per liter kan styg.”
Hy sê elektrisiteitskostes kan ook met ongeveer 40% styg, omdat Eskom se energieproduksie afhang van ingevoerde diesel.
“Dit kan ‘n verwoestende effek hê op alle parameters van die huidiglike begroting en Suid-Afrika se hoop op ‘n ekonomie ná Covid, sink.” – IOL, My Broadband, ECR
Volg FiND iT hier op Facebook.
Lees ook: Mense bespreek bed-en-ontbytplekke Oekraïne om land finansieel te ondersteun
