Ná maande van skerp prysstygings kan motoriste moontlik in Julie eindelik ‘n mate van verligting by die petrolpompe kry. Dit volg op ‘n skerp daling in internasionale oliepryse. Brentru-olie het van bo $110 per vat na $83–$86 gedaal, ná berigte dat die VSA en Iran nader aan ‘n vredesooreenkoms beweeg wat die Straat van Hormoes weer sal oopmaak. Die rand het ook versterk, van sowat R16,65 tot nader aan R16,20 per dollar.
Volgens die Sentrale Energiefonds se middel-Junie-syfers is daar tans ‘n oorverhaling van ongeveer R2,50 / R2,70 per liter vir petrol en R4,28–R4,67 per liter vir diesel. Dit word wel deels teengewerk deur die regering wat sy tydelike R3-heffingverligting (ingestel in April) stelselmatig terugtrek: die laaste R1,50 (petrol) en R1,96 (diesel) keer op 1 Julie volledig terug.
Selfs ná die heffing se herstel, dui die syfers steeds op ‘n netto prysverlaging, veral vir diesel. Die finale pryse word eers einde Junie bevestig en ontleders waarsku dat hernude spanning in die Midde-Ooste of ‘n verswakkende rand die verwagte verligting nog kan omkeer.
Bronne: BusinessTech, IOL, ECR
