Die verdediging in Lindsay Clancy se moordverhoor het die psigiater wat haar in die maande voor die dood van haar drie kinders behandel het, skerp uitgevra oor haar ervaring en die behandeling wat Clancy ontvang het.
Clancy, ’n voormalige verpleegster van Massachusetts in die VSA, staan tereg in verband met die dood van haar drie jong kinders in Januarie 2023. Haar geestestoestand ten tyde van die voorval is ’n kernpunt in die saak, met die verdediging wat aanvoer ernstige geestesgesondheidsprobleme en haar behandeling in die tyd voor die kinders se dood is van belang.
Kevin Reddington, Clancy se prokureur, het dr. Jennifer Tufts onder meer uitgevra oor haar ervaring met postpartumpasiënte, die medikasie wat aan Clancy voorgeskryf is en moontlike newe-effekte daarvan. Hy het ook klem gelê op die feit dat Tufts se konsultasies met Clancy deur middel van telemedisyne plaasgevind het.
Die hof het gehoor Clancy het met ernstige angs, slapeloosheid, depressie en indringende gedagtes gesukkel. Die verdediging het bevraagteken of genoeg gedoen is namate haar toestand versleg het.
Tufts het haar behandeling verdedig en getuig Clancy het tydens hulle konsultasies nie tekens van psigose of manie getoon nie. Volgens haar het Clancy ook ontken sy het ’n plan gehad om haarself of ander seer te maak.
Die verhoor duur voort.
Foto: Gregory Derr / The Patriot Ledger
Bronne: CBS News Boston; Boston 25 News; WCVB NewsCenter 5.
