Die departement van justisie en grondwetlike ontwikkeling het Dinsdag die publiek genooi om skriftelike kommentaar op konsepregulasies ingevolge die Wet op die Voorkoming en Bekamping van Haatmisdade en Haatspraak, 2023, te lewer.
Die uitnodiging geld landwyd en is gemik op belanghebbendes wat insette wil lewer oor regulasies wat haatmisdade en haatspraak moet voorkom en bekamp. Luidens ‘n verklaring van die departement is die konsepregulasies kragtens toepaslike bepalings van die wet uitgereik en is dit beskikbaar op die departement se webwerf. Druk hier om dit te lees. Kommentaar kan net tot 28 Januarie 2026 ingedien word.
Kommentaar kan per pos, per handaflewering of per e-pos gegee word, soos uiteengesit in die amptelike kennisgewing. Verdere inligting sal volgens die departement beskikbaar wees soos in die kennisgewing gemeld.
