OOS-KAAP. – Waaksame beamptes van die departement van korrektiewe dienste (DKD) het ‘n slim smokkelpoging in die kiem gesmoor. Versteekte dwelms is buite toiletgeriewe in die landbou-afdeling van ‘n fasiliteit ontdek.
Volgens DKD is die vonds gemaak toe beamptes die werksgebied soos gebruiklik deeglik deursoek het voordat die dag se werk kon begin – ‘n praktyk wat deel uitmaak van die fasiliteit se stabiliseringsplan. Dit is juis hierdie soort alledaagse waaksaamheid wat verhoed het dat 24 arms dagga en 37 Mandrax-tablette hul pad na die binnekant van die gevangenis gevind het.
