GASA. – Die families van die Gasa-gyselaars het gesê die eerste minister, Benjamin Netanyahu, is die “een struikelblok” wat keer dat die gyselaars vrygelaat word en ‘n vredesooreenkoms bereik word.
Lees ook: Katar se soektog na vermiste persone en menslike oorskot duur voort ná Israel-aanval
Die Hostages and Missing Families Forum: Bring Them Home Now het op sosiale media gesê Israel se aanval in Katar bewys dat “elke keer as ‘n ooreenkoms byna bereik word, Netanyahu dit saboteer”. Hulle het verder gesê: “Dis tyd om die verskonings wat gemaak is om tyd te koop sodat hy mag kan hou, eindig”. Die groep het gesê Netanyahu se “vertraging van die ooreenkoms” het die lewens van 42 gyselaars gekos en bedreig die lewens van die ander gyselaars wat skaars oorleef.
Die kommentaar volg nadat Netanyahu gister gesê het om ontslae te raak van Hamas-leiers in Katar, “sal ontslae geraak moet word van die hoofstruikelblok” om die gyselaars te bevry en die oorlog te beëindig. Netanyahu het beweer Hamas verhoed alle skietstilstandpogings om die oorlog in Gasa uit te rek.
Bronne: BBC, The Times of Israel, The Jerusalem Post
Lees ook: Katar se soektog na vermiste persone en menslike oorskot duur voort ná Israel-aanval
