AUSTRALIë. – Owerhede het vinnig opgetree en verskeie gesteelde, eeue-oue artefakte teruggevind ná ’n inbraak by die Abbey Museum of Art and Archaeology in Caboolture, Queensland.
Volgens Sky News sluit die gesteelde items ’n 2 600 jaar oue houtbeeld van ’n kat, ’n mummiemasker en ’n antieke halssnoer van sowat 3 300 jaar oud in. ‘n 52-jarige verdagte word daarvan beskuldig dat hy ’n venster van die museum stukkend geslaan en die waardevolle voorwerpe geneem het voordat hy van die toneel gevlug het.
Die inbraak het Vrydag plaasgevind. Volgens die polisie is die meeste van die artefakte ongeskonde teruggevind, met slegs geringe skade aan sommige items.
Beamptes het die voorwerpe opgespoor nadat hulle ’n kampeerwa deursoek het. Al die gesteelde skatte is intussen veilig aan die museum terugbesorg.
Owerhede ondersoek die voorval en die verdagte sal na verwagting op aanklagte van inbraak en diefstal in die hof verskyn.
Bronne: Sky News, NBC News
