AUSTRALIË- ’n Vier meter lange witdoodshaai het Saterdag net voor 10:00 ’n 38-jarige man in Wes-Australië doodgebyt. Die voorval het by Horseshoe Reef, noordwes van die gewilde Rottnest Island naby die stad Perth, plaasgevind.
Lees ook: Branderplankryer kritiek ná 4de haai-aanval in Sydney
https://nuusflits.com/branderplankryer-kritiek-na-4de-haai-aanval-in-sydney/
Volgens ‘n berig deur plaaslike media is die man ná die aanval per boot na die kus vervoer. Daar het paramedici en polisie KPR by die Geordiebaai-kaai toegepas. “Ongelukkig kon die man nie weer bygebring word nie,” het ’n polisiewoordvoerder gesê.
Die staat se Departement van Primêre Nywerhede en Streekontwikkeling het bevestig dat hulle ’n verslag ontvang het van ’n aanval deur ’n witdoodshaai.
Die aanval is die eerste noodlottige haai-voorval in Wes-Australië sedert Maart verlede jaar, toe ’n branderplankryer by ’n afgeleë strand aangeval is. Sedert rekordhouding in 1791 begin het, was daar bykans 1 300 aangetekende haai-aanvalle in Australië. Meer as 260 van hierdie aanvalle was noodlottig.
Die publiek is versoek om versigtig te wees in die waters in die gebied.
Bron: BBC Nuus,
