Action Society hou howe dop en bly blootlê hoe stadig die regstelsel werk. Sake van moord, verkragting, kindermishandeling en huishoudelike geweld word keer op keer vertraag deur uitstel, verslae wat onbreek en afwesige regsverteenwoordigers. Hierdie probleme is deel van ‘n groter patroon wat verantwoordelikheid ondermyn en families hertraumatiseer.
Volgens Kaylynn Palm, hoof van Action Society in die Wes-Kaap, wys die herhaalde foute dat die stelsel gemaklik geword het met uitstel. “Action Society se monitering bestaan om hierdie tekortkominge aan die lig te bring, aanspreeklikheid te eis en te verseker dat uitgestelde geregtigheid nie normaal word nie.” Afhandeling van sake van huishoudelike geweld word keer op keer vertraag in verskeie howe:
- Mitchell’s Plain-streekhof: Angela Koopman (verbrand), kerk-aanrandingsaak van 19 vroue, Thimna Kuze (13, verkrag en vermoor) en Lekesha Marthinus (vermoor) is almal uitgestel.
- Paarl-streekhof: Asiphe Cetywayo (verkrag en met suur verbrand) en Chanelle Plaatjies (vermoor) se sake is uitgestel, met Chanelle se saak na die Hoë Hof verwys.
- Bellville-landdroshof: Baby Mogamat (ontvoer as nege dae oue baba) se saak is uitgestel.
- Kaapstad-streekhof: Candice Robertson (moord vermom as selfdood) se saak is uitgestel.
- Pretoriase Hoë Hof: Charlene Pretorius (verbrand deur haar man) se saak is uitgestel.
- Wynberg-landdroshof: Lavender (9, verkrag deur paroolhouer) se saak is uitgestel.
- Blue Downs-streekhof: Janelle Laatoe en twee ander se saak teen reeksaanrander is uitgestel.
- Johannesburg-streekhof: Viraal kindermishandelinggeval is uitgestel vir verdere ondersoek.
- Protea-hof: Nomasonto (bakkie-ongeluk) se vonnis is uitgestel.
- Parow-streekhof: Xolani du Preez (moordenaar van Suritha Alting) se hofsaak is uitgestel vir verdere vonnis- en sosialerapportbepaling.
Druk hier om meer te lees.
