GAUTENG. – Die Pretoria-hooggeregshof het bepaal dat die Tshwane-metroraad nie die sogenaamde “cleansing levy” vir inwoners mag instel, hangende hul appèl nie, aangesien die heffing steeds as onwettig en ongeldig beskou word.
Kallie Kriel, uitvoerende hoof van AfriForum, sê die bevel deur die hooggeregshof is ‘n groot oorwinning vir AfriForum en Pretoria-inwoners teen die Tshwane-metro. Dit beteken beduidende besparings vir Pretoria-inwoners, aangesien die munisipaliteit nie langer hierdie bykomende heffing op munisipale rekeninge kan afdwing nie, of soos in Kriel se woorde, kan die munisipaliteit nie langer sy onbevoegdheid probeer finansier deur hierdie bykomende heffing op Pretoria se munisipale rekeninge te plaas nie. AfriForum het ook ’n kostebevel ontvang, wat beteken dat die munisipaliteit die regskoste van AfriForum moet betaal.
Cilliers Brink, die voormalige burgemeester van die Stad Tshwane, sê in ‘n sosialemediaplasing dit ‘n belangrike voorlopige uitspraak. “Gewoonlik skort ’n appèl die implementering van ’n hofuitspraak op, maar hierdie saak is ’n uitsondering op daardie reël. Die metro berei nou sy raadslede voor om inwoners met hierdie saak te ondersteun.”
