VATIKAAN. – Kardinale sal vandag vergader om die begrafnisreëlings vir pous Franciskus te bespreek. Pous Franciskus is gister (Maandag) in die ouderdom van 88 oorlede na ’n beroerte wat tot ’n koma en hartversaking gelei het.
Lees ook: Vatikaan sê pous is stabiel maar steeds in gevaar
Sy liggaam sal na St Peters-basilika geskuif word vir die publiek om hulle laaste eerbetoon aan hom voor die begrafnis te bewys. Nege dae van rou is na pous Franciskus se dood verklaar. Die begrafnis sal moontlik volgens Italiaanse mediahuise Saterdag plaasvind.
Kardinaal Kevin Farell sal die administratiewe en finansiële pligte uitvoer tot ’n nuwe pous gekies word.
Bronne: The Independent, BBC, New York Times
Lees ook: Pous Franciskus sterf op 88
