VERENIGDE KONINKRYK. – Manette Baillie, ‘n 102-jarige vrou van Benhall Green in Suffolk, het onlangs geskiedenis gemaak deur die oudste valskermspringer in Brittanje te word. Sy het Sondag ter viering van haar verjaardag uit ‘n vliegtuig by die Beccles-vliegveld gespring.
Baillie, ‘n Tweede Wêreldoorlog-veteraan wat in die Women’s Royal Naval Service gedien het, het gesê sy het die sprong aangepak om geld vir drie liefdadigheidsorganisasies in te samel.
Hoewel Baillie erken het dat sy haar oë styf toegemaak het tydens die sprong, het sy mense wat nader aan 80 en 90 jaar oud is, aangemoedig om nie op te hou leef nie. Dit was nie haar eerste waaghalsige avontuur nie – vir haar 100ste verjaardag het sy in ‘n Ferrari om die Silverstone-renbaan gery en ‘n snelheid van 130 m.p.u. behaal.
Die vorige rekord vir die oudste valskermspringer in die VK is in 2017 deur Verdun Hayes op 101-jarige ouderdom opgestel. Baillie het nie net die rekord oortref nie, maar het ook haar gemeenskap met haar vasberadenheid en lewenslus geïnspireer.
Bronne: BBC, NPR, The Guardian
