WAARSKUWING! Die video-opname kan sensitiewe lesers ontstel, alhoewel geen slagoffers gesien kan word nie.
GAUTENG. – Ses mense is Saterdag tydens ‘n skietvoorval in Reigerpark dood en drie ander is beseer.
Luidens ‘n verklaring deur kol. Dimakatso Nevhuhulwi, polisiewoordvoerder, het ‘n silwerkleurige Polo en ’n swart Polo die gebied binnegegaan en is daar lukraak vanuit die voertuie begin skiet. Die omstandighede rakende die voorval is nog onduidelik, maar die polisie het ’n soektog van stapel gestuur om die verdagtes op te spoor.
Genl.maj. Fred Kekana, waarnemende provinsiale polisiekommissaris, het bevestig daar is ná die voorval bykomende hulpbronne ontplooi. Die Reigerpark-gemeenskap is versoek om wetstoepassers toe te laat om hulle werk te doen. Enige kriminele aktiwiteite moet aangemeld word.
Ondersoeke duur voort.
