WES-KAAP. – Die teenwoordigheid van VSA Marines op Muizenberg-strand het onlangs vir heelwat nuuskierigheid gesorg, maar JP Smith sê dit vorm deel van ’n gestruktureerde samewerking met internasionale veiligheidsvennote.
Smith, is ‘n DA-raadslid en burgemeesterskomiteelid vir veiligheid en sekuriteit, sê die samewerking met internasionale polisiërings- en veiligheidsagentskappe is deel van ’n poging om die gehalte van plaaslike wetstoepassing te versterk. Opleiding en ondersteuning dek onder meer kubermisdaad, ontvoeringsake, dwelmverwante misdaad, ondersoektegnieke en wildmisdaad.
In dié spesifieke sessie het lede van die die Amerikaanse Marinekorps saam met Metro-polisiekadette geoefen en hulle deur ’n standaard fiksheidsroetine geneem. Die owerhede sê fisieke fiksheid vorm ’n belangrike deel van die departement se kultuur en opleiding.
