ENGELAND. – LEGO het onlangs ’n nuwe wêreldrekord opgestel vir die vinnigste bestuurbare LEGO-motor deur ’n Koenigsegg Sadair’s Spear-megavoertuig, wat uit 327 906 LEGO-elemente bestaan, teen die heuwel af by Goodwood Estate naby Chichester in West Sussex, Engeland, teen ’n verstommende 111 km/h te laat ry.
Die lewensgrootte Sadair’s Spear is niks minder nie as ’n tegniese wonderwerk. Dit het ’n span LEGO-bouers nie minder nie as 9 400 uur geneem om dit sonder enige gom aanmekaar te sit, en die eindproduk is só ongelooflik realisties dat dit, wanneer dit in beweging is, soos ’n regte Koenigsegg lyk eerder as ’n speelgoedkar van plastiekblokkies.
Bronne: Facebook-bladsye van LEGO en Koenigsegg
