NOORD-KAAP. – ’n Skokkende ontdekking is in Upington gemaak – die liggaam van ’n 46-jarige vrou is Dinsdag in ’n vrieskas by haar huis gevind.
Foto: Missing Person South Africa
Lt.kol. Thabo Litabe, polisiewoordvoerder, sê die vrou is vroeër die dag deur haar man as vermis aangemeld. Ná ’n soektog by die woning is haar liggaam later die middag in ’n vrieskas in ’n stoorkamer ontdek. Die polisie het intussen ’n geregtelike doodsondersoek geopen. ’n Lykskouing sal gedoen word om vas te stel wat tot haar dood gelei het.
Die polisie doen ’n beroep op enigiemand met relevante inligting om Upington-speurtak by 054 – 3373435 of AO Moffat Silingile by 082 495 4615 te bel. Die ondersoek duur voort.
