VRYSTAAT. – Ane Pienaar (36) en haar 11 maande oue babadogter word sedert Vrydag vermis. Die Harrismith-polisie vra die publiek se hulp om die ma en baba op te spoor.
Volgens AO Mmako Mophiring, polisiewoordvoerder, is Pienaar Vrydagoggend laas deur haar lewensmaat by hul woning gesien voordat hy werk toe is. Pienaar en die baba was op daardie tydstip nog by die huis. Die man het later teruggekeer en opgemerk dat die ma en die baba se klere uit die kas verwyder en hulle vermis is. Die huissleutel is op ’n venster gelaat.
Die voorval is Sondag by die polisie aangemeld. Enigiemand met inligting oor Pienaar en die baba se ligging word versoek om kapt. Vusimusi Zwane by 060 976 4290 te bel.
