KANADA. – Paget Blaza (96) van Scarborough, Toronto, het Sondag aan die Sporting Life 10K-wedloop deelgeneem. Die wedloop het geld vir Campfire Circle ingesamel, ‘n organisasie wat ernstig siek kinders in Ontario-hospitale help om gewone kinderjare-ervarings te beleef.
Blaza se dryfveer is ‘n les van sy pa wat hom as kind geleer het om aan te hou beweeg. Daardie woorde het hom nooit verlaat nie. Hy het die afgelope winter deur sneeu, ys en bitter koue geoefen met temperature so laag as -30°C. Hy het nooit opgegee nie. In 2017 het hy breinchirurgie ondergaan. Ook dit het hom nie gestop nie – dit het hom juis weer op sy voete gekry. Hy word deur Susan, sy vrou, ondersteun en hy sê hy sou dit nie sonder haar kon doen nie.
Op 96 bewys Blaza dat ouderdom geen verskoning is om op te hou omgee — of op te hou beweeg nie.
Bronne: CP24/CTV News, Dear Canada, 6ixBuzzTV
