WES-KAAP. – ‘n Man in sy 30’s is in hegtenis geneem nadat hy Vrydag in die vroeë oggendure die parlementêre terrein in Kaapstad onwettig betree het.
Moloto Mothapo, parlementêre woordvoerder, sê parlementêre beskermingsdienste het die man onmiddellik in hegtenis geneem en hom daarna aan die polisie oorhandig waar hy in aanhouding geneem is. Volgens die parlement het die voorval nie parlementêre bedrywighede ontwrig nie. Die Parlement sê ongemagtigde toegang tot sy terrein word ernstig opgeneem en toepaslike veiligheidsmaatreëls word gehandhaaf om die instelling te beskerm.
Die voorval kom terwyl die parlement gereed maak om die 69ste Statebond- parlementêre konferensie in Kaapstad van 13 tot 19 September aan te bied.
Kry jou nuutste nuus elke oggend per e-pos. Teken hier aan:
