GAUTENG. – ’n 49-jarige man is vroeg Maandagoggend kritiek gewond toe hy tydens ’n beweerde huisroof in Erasmusrand, Pretoria, geskiet is.
Emer-G-Med is na die toneel ontbied waar ‘n man met verskeie skietwonde aangetref is. Hy is behandel en gestabiliseer. Weens die erns van sy beserings is ’n lugambulans ontbied om hom vir verdere behandeling na ’n gespesialiseerde traumasentrum te vervoer.
Kol. Dimakatso Nevhuhulwi, polisiewoordvoerder, sê aan Nuusflits twee onbekende verdagte mans het glo toegang tot die huis forseer. Hulle het glo die man geskiet voordat hulle van die toneel gevlug het. Die slagoffer is daarna na ’n hospitaal geneem.
Die polisie ondersoek ’n saak van huisroof en poging tot moord.
