PRETORIA. – Pres. Cyril Ramaphosa het die voorkomende skorsing van genl. Fannie Masemola, nasionale polisiekommissaris, opgehef. Masemola sal na verwagting Maandag 19 Oktober na sy volle pligte terugkeer nadat die aanklagte teen hom teruggetrek is.
Vincent Magwenya, woordvoerder van die president, sê Masemola en Ramaphosa het in April vanjaar ooreengekom dat die kommissaris voorsorgskorsing moet aanvaar nadat hy in die Pretoriase landdroshof verskyn het op aanklagte van oortreding van die Wet op Openbare Finansiële Bestuur. Die Nasionale Direkteur van Openbare Vervolgings het op 15 September opdrag gegee dat die aanklagte teruggetrek word. Die hof het dit op 22 September formeel teruggetrek.
Ramaphosa het Masemola se terugkeer verwelkom en lt.genl. Puleng Dimpane bedank vir haar diens as waarnemende nasionale polisiekommissaris gedurende dié tydperk.
