EUROPA. – Altesaam 413 793 KitKat-sjokoladestafies is vanaf Italië onderweg na Poland gesteel, wat moontlik gedurende Paasfees ‘n tekort op winkelrakke in Europa kan veroorsaak. “Ons het mense nog altyd aangemoedig om ’n blaaskans met KitKat te neem. Maar dit lyk of diewe die boodskap té letterlik opgeneem het en met meer as 12 ton van ons sjokolade weggekom het.”
Nestlé het aan AFP bevestig dat die vragmotor met sy 12 ton vrag KitKats spoorloos verdwyn het. Die vragmotor het uit Sentraal-Italië vertrek en was op pad na Poland, met beplande aflewerings in verskeie lande. Boonop is die plek waar die diefstal plaasgevind het ook onbekend en die voertuig is steeds weg.
Die maatskappy waarsku ook dat die gesteelde produkte moontlik op onwettige markte kan opduik. Elke produk bevat egter unieke kodes wat gebruik kan word om die oorsprong na te spoor en die maatskappy in kennis te stel. Ondersoeke duur voort, met owerhede en logistieke vennote wat saamwerk om die vrag en die verdagtes op te spoor.
Bronne: AFP, DELTANEWS.tv, Le Monde, AP News
