LONDEN, ENGELAND. – Perde sonder ruiters van die Household Cavalry is Woensdagoggend in Londen se strate opgemerk nadat hulle tydens ’n oefensessie losgebreek het.
Volgens die Britse weermag het die perde om 8:25 geskrik toe hulle verby ’n konstruksieterrein in die stad beweeg het. Hulle het spoed opgetel en die strate ingevaar.
Drie soldate het beserings opgedoen toe hulle van die perde afgegooi is.
Inwoners het altesaam vier perde, een wit en een swart, en nog twee ander teen besige verkeer in sien hardloop. Die wit perd was met bloed bedek. Volgens berigte het hy teen ’n passasiersbus vasgehardloop en beserings opgedoen.
Die perde is uiteindelik deur die polisie aangekeer. Beide die perde en soldate ontvang mediese behandeling.
Die volgende video is tydens die voorval geneem:
Bronne: CNN World, The Independent
