Lees ook: Bibberweer, selfs sneeu vir week voorspel
ISRAEL. – ’n Kind (4) het per ongeluk ’n 3 500 jaar oue pot by die Hecht-museum in Israel gebreek.
Die pot, wat van 2200 tot 1500 v.C. dateer, is ontwerp om goedere soos wyn en olyfolie te vervoer. Volgens die museum was die pot ouer as Konings Salomo en David.
Die seun se pa het gesê sy seun was “nuuskierig” oor wat in die pot was en het “liggies daaraan getrek” toe dit van die staanplek afgeval en gebreek het. Alex, die pa, het gesê hy was “in skok” en het eers nie gedink dit was sy seun wat die pot gebreek het nie.
Die museum het gesê die pot is per ongeluk gebreek en hulle het die seun en sy familie genooi om weer na die museum te gaan om die herstelde pot te sien.
Bronne: NBC News, CNN, UPI
