GAUTENG. – Menslike oorskot is Dinsdag in die Rietvallei-omgewing in Pretoria-Oos ontdek, ná ’n soektog na ’n moontlike liggaam wat in die veld opgemerk is.
Volunteer Emergency Medical Response Unit (VEMRU) is kort voor 17:00 na die toneel ontbied om met die soektog te help. Met aankoms is die liggaam reeds deur lede van Lakes Security Forum NPC sowat 25 meter in ’n bosagtige gebied gevind.
VEMRU het die polisie met die nodige prosedures op die toneel bygestaan. Volgens VEMRU ondersoek die polisie die saak verder.
